Lo Sieis cents

Ental 1619 lo paìs passa en feud ai Nicolis, senhors de Varallo, que con lo titol de conts de Robilant, rendarèn famós siu nom. Lhi Conts Nicolis vivion a Turin, ben de raire a Robilant, ente avion nombrós palais. Al principi del secol Robilant e Lo Vernant ruson per lhi drechs de pastura sal mont Colomb.

La pest arriba a Robilant entre 1630 e 1631, pa’aquò lo conselh comunal passa da la comuna a la chapèla de Sant Ròc, e puèi en la gleisa parroquiala.

Après en paìs renha la miseria causaa decò da la situation generala del Piemont. Totun jà enlora a Robilant lhi avia per las mainaas una escòla elementara, tengua da un magistre-preie. L’actuala Gleisa parroquiala ven arfacha totalament entre 1637 e 1645. Dedicaa a sant Donat, lhi siei pòrtics e lo còro venon jontats al principi de l’'800, e per lo cloquier se manten lo basament de la tor d’una antica fortificacion medievala.