Lo Set e l'Uech cents
Sot lo domini francés la situacion se fai pus dura per la presença sal territòri de l’exercit rivoluccionari, que fai de sacatges en casas e gleisas. Ental 1755 Carlo Emanuele III fai començar un nòu edifici termal, dich "lo Baracon". Lo santuari de la Madòna del Colet al temp de la premiera republica francesa deven una des ròchasfòrtas de la “Massa Cristiana”, come recòrda una tela pintaa con l’invasion di Jacobins. Entre lo 1830 e lo 1833 ven realizaa la via que pòrta da Termas a Blangier. Ental 1857 Vittorio Emanuele II fai començar lhi trabalhs d’aquel qu’encuei es l'Hotel Royal Centro Benessere des Termas de Vaudier. En aquesti ans lo paìs es inondat dal riu Colet, que pòrta distruccions e mòrts. Ental 1857 l’auta Val Ges deven Reserva Reale de chaça de Vittorio Emanuele II e es cernut per las vacanças estivas di Savòia, e aquò fai arpilhar l’economia locala, con la construccion a Blangier de la Casa del Rei, d’aquela de la princessa Jana, d’alòtges per lo personal, chapèla, cine, forn, glacièra. Un pont levaor permettia ai reals de sobrar lo riu, e ent’lhi bòscs son realizaas de vias per permettre lo passatge del rei chaçaor a caval. A las Termas son realizaas la casa de la Bella Rosin e lo casin de chaça al Valasc. Ental Set Cents pareis l’actuala Parroquiala de Sant Martin, realizaa sus una glèisa pus antica, en estil neoclassic e dedins frescs e lo marmo “cipolin” del pòst, con un bel basrelièu di fraires Collino que rapresenta la Pietat. Remontarion a la fin del Set Cents Casa Lovera en plaça Vittorio Emanuele I, d’una nòbla familha del pòst, con belas pinturas en façada, coma un monge engenolhat que prega l'Imacolaa, e Casa Ferrero en via Principe Umberto, dal bel portal. En ruaa Desertet la popolacion creis entre Uech e Nòu Cents (600 abitants al principi del XX sècle), gracias a las gavas de marmo.
