L'Aut Medioevo

Es probabil que vers lo VI secol Robilant abie agut una sia glèisa. Lhi Abats Benedetins del Borg avion sus Robilant jurisdicione religiosa e civila. Lo Meiranesio recòrda (senca citar fonts) un document d’aquest'epoca, ente per lo premier bòt pareis lo nom de Robilant, ental 700-712 sot lo renh d’Ariperto. Aqueste rei auria confermat a l'abadia de Pedona «quanto avevano dato Vidone, figlio de Ariperto, ed Uberto, figlio de Videlberto, in Robullando nel farsi monaco». Robilant ental secol X passa sot las invasions di Sarrasins o Mòros, que passon lo còl de Tenda ental 904. Lo pilon votiu del Mòro, al Malandrè, recòrda pròpi las incursions sarrasinas del 985. L'imperator Enrico III avia donat e confermat al Vesco d’Ast l'Abadia del Borg con totas sias terras. Dins una d’aquestas confermas es nominat Robilant, e precisament ental diplòma del 26 de genier del 1041: «abatiam Sancti Dalmatii cum valle Sexii usque ad Fenestras, Rocha Corvaria et Robulando et Alvergnando usque ad montem Cornium.».