La Tana

Una varianta de la correnta, balaa ben gaire ent’lhi fëstin, es la tana. Las coblas de balarins, da quatre a sieis, se buton en fila. Lo balâ e lo virâ se fan coma enla correnta normala. Al moment de l’ëndâ a 'spas las coblas da la seconda a la darriera se pilhon per una man, la drecha per lhi cavaliers e la manchina per las damas, e las auçon a formar una galeria o tana. La cobla en prima fila fai un mes vir e passa, quinaa, sot la tana formaa da lhi autres balarins, que entramentier avançon. A la fin de la tana la cobla se buta en fons a la fila, auça lhi braç e fai coma las autras coblas. Lo cavalier que passa sot con la man gaucha ten la mano drecha de la dama. La seconda cobla de la fila, e que deven la prima, baisson lhi braç e fan coma lhi premiers. Totas las coblas fan parelh, puèi, quora la musica chambia, la cobla que se tròba sot la tana se ferma ente es e las autras lhi fan pòst e se preparon al balâ. La tana es una forma de bal que es naissua en las seras passaas e velhar ent’l’estable, ente hl ibalarins avion gaire d’espaci. Era conoissua en totas las ruaas de Robilant e s’es balaa fins a lhi ans 1940-1950.