Lou viol di tait

La maison tradiccionala di bergiers de la Val Ges era de sòlit a dui plans, aquel dessot que fasia da estable e aquel de sobre da abitacion; en peira, con cubèrt en palha o escandolas de bòsc. Per gardar lo patrimòni de l’arquitectura alpina e permettre al torista de coneisser-lo, lo Parc a realizat un itinerari dich Lou viol di tait, que trucha las principalas ruaas, lhi teit, e decò lhi jatz, la tipica truna adobraa dai bergiers en auta montanha quora eron en pastura: en peira a sec, a una vòuta en peira cubèrta de motas d’erba.