Set e Uech cents
Ental Set Cents venon realizaas la Glèisa baròca de Santa Crotz e la Parroquiala de la Visitacion de la Beata Vierge. En l'avost del 1809 Papa Pio VII presonier de Napoleon ven portat da Fontanablau en França a Savona e a travèrs lo còl de Tenda e Coni. Lo Papa arriba a Rocavion lo 12 d’avost. Las nòtas del prevòst de Rocavion, don Giorgio Debernardi, son ben precisas e descrivon l’aculhença del Papa dapè la chapela de sant Ròc, a mont del paìs. “Animadvertitesuccessoresi mei, parrochi Loci Roccavione Die decima secunda aufusti 1809 Transitavi per Roccavionem Summus Pontifex Pius Septimus Chiaramonti Dictus Dominus Gregorius Barnaba Monachus Cassinensis ex Caesena, a quo Ego ipsemet Georgius Debernardi parrochus Loci Roccavione cum meo Clero, et adjunctis pluribus Sacerdotibus Locis proximis Roccavione, inter quos Parrochus Bongiovanni Loci Intraquarum, dominus Giordana exphilippinus,et ali Qui conjuncti clero Roccavione obviam ivimus Papae Nostro Pio Septimo Usque ad Capellam Sancti Rochi, omnes induti superpelliceo, et stola saltem Parrochi, et ego primus, transeunte Dicto Domino Domino Servo Servorum Dei, stolla byssina (?) In manibus premonstrata, Benedictionem Largam, sedente in vectura, impertiit nobis omnibus, et cuncto populo, ex iis qui adfuere, vicini Longinquis, etc; dein dormivit ipso vespere diei duodecim augusti in Civitate Cunei in palatio Comitis Demaria tunc Maire huius Civitatis”. Lo Prior de Rocavion ven a saupre da Limon del passatge del Papa. Parelh vers 17 oras se buta a atendre dapè la Chapela de S. Ròc con autres preires da Vaudier e Andòn per donar d’aiga santa al Papa e far-la benedir. Mas quora Pio VII passa, la carròssa se ferma ren; lo Papa saluta, rengracia e benedìs. A part lo curt period de dominacion francesa (1799-1815), lo territòri es organizat ental dipartiment de l’Estura, e Rocavion ista en la provincia de Coni. Après l’acorpament albertin, la provincia de Coni reunìs las “anticas provincias” de Alba, Mondovì e Saluces (1859).
