Parlaas des maritimas
Dins lo territòri des Maritimas, que comprend lhi país des valadas Pes, Còla, Iòsna, Vermenanha e Ges, vivon dapè vilatges ente encuèi la parlaa es totalament gal-italica, embè variantas del piemontés, coma Beinetas e Planfeas, e país coma La Clusa, Poranh e Bueves, Entraigas, Vaudier, Limon, Robilant, Lo Vernant, Rocavion e Roascha, ente es mai presenta l’antica marca gal-romana des parlaas occitanas, sustot dins las ruaas de montanha. La situacion d’aquestas comunas, coma per totas aquelas al fons des valadas a dirèct contact embè lo piemontés, es la mesma, e per aquesta faissa es estaa creaa l’expression “airal gris”, ente piemontés e occitan se mesclon embè resultats sovent originals.
