Procession de Sant Nicolau Patron de Vernant

La procession se fai la seconda diamenja après Pascas partent da la Parroquiala de Sant Nicolau: las sieis colònas de peira dai chapitels decorats (dapè a l’intrada) remontarion a la premiera gleisa del 1200, que seria estaa a tres navadas. Fai part de la gleisa originaria decò la part del cloquier en peiras gròssas e rotondas. Ental 1700, al creisser de la popolacion, l'edifici es eslonjat e auçat, e ental 1870 es realizaa la cupola. Decò lo cloquier ven auçat con peiras e mons, e se buton lhi dui autars en marmo dapè a l'autar major, dedicats a la Madòna del Carmine (drecha) e del Rosari (manchina). Las pinturas son del 1971, e la façada del 1990 presenta S. Teresa, S. Elisabetta e al centra lo "Miracol de S. Nicolau".