La Valadas occitanas en Italia
Las valadas occitanas d’Italia s’eslarjon sus las provincias d’Imperia, Coni e Turin, e son oficialament 14, bèla si chal decò contar las nombrosas valadas lateralas. Fan part de la provincia ligura L’Auriveta e las ruaas Reald e Verdetja de la comuna de Triòra; es occitana decò La Gardia en Calabria, popolaa entre XIV e XV sècle da vaudés del Briançonés e des valadas Varacha e Pelis chamats da feudataris del pòst per cultivar tèrras abandonaas. En Piemont, da sud vers nòrd, dins lo territòri de Coni se duerbon l’auta val Tanar, las valadas Corsalha e Maudanha, Eller, Pes, Vermenanha, Ges, Estura, Grana, Maira, Varacha e Pò embè las lateralas Bronda e Enfernòt. En provincia de Turin se tròbon las vals Pelis, Cluson, Germanasca e la Val d’Ols, nom local de l’auta Val Susa. 
